ანი ჯანუყაშვილი

ანი ჯანუყაშვილი საქართველოს ენერგეტიკის განვითარების ფონდის პროექტების კოორდინატორის პოზიციას იკავებს. ფონდში მუშაობის დაწყებამდე, 2016 წლიდან მუშაობდა ენერგეტიკის სამინისტროს საინვესტიციო პროექტების დეპარტამენტში.
კერძო სექტორში ანის ეკავა კომერციული მენეჯერის პოზიცია საერთაშორისო გადამზიდ კომპანიაში. 2015 წელს მუშაობდა სადაზღვევო კომპანია “ალდაგში”, VIP გაყიდვების ოფიცერის პოზიციაზე. ამავე წელს მუშაობდა საგარეო საქმეთა სამინისტროს დიპლომატიური პროტოკოლის დეპარტამენტის, უმაღლესი და მაღალი რანგის დელეგაციებთან მუშაობის სამმართველოს პრაქტიკანტად. 2014 წელს მან სტაჟირება გაიარა ლიბერთი ბანკის სტრატეგიული გაყიდვებისა და მარკეტინგის დეპარტამენტში.
მინიჭებული აქვს კავკასიის უნივერსიტეტის ბაკალავრის ხარისხი, ბიზნესის ადმინისტრირებასა და ფინანსებში, ამავე განხრით სწავლობდა Pforzheim-ის უნივერსიტეტში, გერმანიაში. ამჟამად არის საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის მაგისტრატურის სტუდენტი.
ანიმ 2017 წელს გაიარა FIDIC საერთაშორისო ხელშეკრულებათა კურსი, ასევე მონაწილეობდა ფინანსთა სამინისტროს აკადემიის მიერ ორგანიზებულ, USAID-ისა და G4G-ის სპონსორობით ჩატარებულ ტრენინგში „საქართველო და ევროპასთან ასოცირება“. 2016 წელს გერმანიაში გავლილი აქვს სასერტიფიკატო პროგრამები საერთაშორისო მენეჯმენტში, მოლაპარაკების ტექნიკებსა და გაყიდვების მენეჯმენტში. ამავე წელს იყო საქართველოს წარმომადგენელი ევროპული დღეების ფარგლებში გერმანიაში. 2015 წელს იყო „Youth for Future 2015” ფორუმის და AIESEC ტრენინგების მონაწილე.

ფლობს ინგლისურ, რუსულ და გერმანულ ენებს.